Wikisource

Seite:Briefe an Matthias Mulich.pdf/20

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

sege[1] gantz gerne vmme levendes vnde stervendes willen, dat de sake mochte vordragen wesen. Hir mede bevele Ic juw Gade dem hern sund vnde salich to ewigen tyden, aver my als aver Juwen guden vrund to bedende.[2] Gescreven in Lubeke 23 Januarij anno 1523.

Herman Meyer. 


No. 7. Von Anna Lüneburg.[3]
1523, Jan. 23.

Mynen früntliken groet to foren. Weten schole gy, myn alder leveste bole,[4] dat ick sunt vnde wol to passe byn; der ghelyken begere ick stedes[5] van jw to horen to langer tyt. Vortmer, leve bole, so late ick jw früntlyken danken vor juwen gulden rynck, ick wolde, dat ick et men wedder vordenen konde, se syn vns so wol to mate,[6] eft[7] wy dar sulven by west hadden. Myn leve bole, my vorlanget ser na jw, ick hape gy wyllen jo drade[8] wedder to hus kamen. Nych mer vp des tydt, men c. m.[9] gode nacht. Hans but jw ock fele goder nacht. Jw sone Jeronymvs[10] but jw ock fele goder nacht. Ghescreven in Lubeke des frygdages na Sunte Fabian Sebastian anno XXIII.

Anneke Lunborch. 


No. 8. Von Berend Johannssen.
1523, Jan. 24.

Mynen denst myt erbedynghe alles guden. Ersamen Mattes, gunstyge vrunt, ik hebbe jwe breve entfangen vnde de menynge vorstan; konde ik jw denst vnde wyllen bewysen, des byn ik gans geneget. Vnse schypp lycht in der Traven, ik vorse my,[11] wy motten vpp dat vorjar[12] wedder in de se, over ik vorhappe,[13] de vnwylle sal gheendeget werden, wy sollen van deme rade

  1. ↑ ich sähe.
  2. ↑ zu gebieten.
  3. ↑ Anna geborne Kortsack, Schwester der Catharina Mulich, Ehefrau des Rathsherrn Johann Lüneburg.
  4. ↑ Buhle, Freund.
  5. ↑ stets.
  6. ↑ zu Maße, sie passen uns so gut.
  7. ↑ als ob.
  8. ↑ bald, schnell.
  9. ↑ centies mille, d. h. hundert tausend mal.
  10. ↑ Hieronymus, nemlich Lüneburg, Sohn der Schreiberin.
  11. ↑ ich versehe mich, ich vermuthe.
  12. ↑ Frühjahr.
  13. ↑ ich hoffe.
Empfohlene Zitierweise:
Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347. Friedrich Asschenfeldt, Lübeck 1867, Seite 315. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefe_an_Matthias_Mulich.pdf/20&oldid=- (Version vom 31.7.2018)
Von „https://de.wikisource.org/w/index.php?title=Seite:Briefe_an_Matthias_Mulich.pdf/20&oldid=3224325“