die nachvolgende oder vntere zahl in der andern zeil. In der dritten zeil werden die Cubi ordenlich nach einander gesetzt / die man durch continuirte addition der zahlen erstgemelter anderen zeil solcher gestalt suchet. Der erste Cubus ist 1. zu deme addier die volgende differentz 7. kombt der andere Cubus 8. zu deme addier die volgende differentz 19. kombt der dritte Cubus 27. vnd also fortan. Endlich in der vierdten zeilen werden ordenlich ihre wurtzlen gesetzt.
Ob die continuation der ersten vnd anderen zeilen recht verrichtet / wirdt also probiert. Vnd anfangs zwar die erste zeil betreffent / ist zu wissen / das ein jede zahl der mit 6. auffsteigenden progression / sechsfach ist gegen der wurtzel deß nebenstehenden Cubi. Als 18. ist sechsfach gegen der wurtzel 3. Item 42. gegen 7. etc.
Darnach die ander zeil betreffent / probirt man sie also: multiplicier mit 3. so wol die vorhabende Cubische wurtzel / als auch jhr quadrat: diese zwey product / vnd ein vnitet addiere: solche Summ ist die differentz deß Cubi der vorhabenden wurtzel vom volgenden Cubo.
Als in obstehendem Täfelin / zu probiern / ob die differentz zu R. 5. gehörig / nemblich 91. recht gesucht worden / so tripliere bedes solche 5. vnd sein quadrat 25. werden 15. vnd 75. addier diese zwey
Matthias Bernegger: Manuale Mathematicum. Straßburg: , 1619, Seite 358. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Bernegger_Manuale_358.jpg&oldid=- (Version vom 31.7.2018)
