Dessen resolution ist vmb so viel desto leichter / als anderer triangel / dieweil darinnen ein jede vnter den dreyen seiten / für den Radium oder sinum totum genommen / vnd also ein einiger triangel auff dreyerley art solvirt werden kan.
Als der einige triangel ABC. wirdt auff dreyerley weiß zu dem Circkel appliciert. Dann erstlich wirdt die hypotenusa (das ist / die lini / so vberort geht / vnd vber den rechten winckel gestreckt ist) nemblich die lini AB. für den Radium genommen: vnd seind alsdann die andern zwo seiten / so den rechten winckel C. einschliessen / die sinus dero gegen jhnen vberstehenden spitzwincklen. Als BC. ist sinus deß winckels A. vnd AC. ist sinus deß winckels B. als da geschicht in beygesetzter ersten figur.
Zum andern kan die Basis, (das ist / die vnderst / oder grundlini / darauff das rectangulum steht) nemblich die lini AC. an statt deß Radij genommen werden. Vnd ist alsdann BC. die Tangens, vnd AB. die Secans deß winckels A. Wie in der andern figur zusehen.
Zum dritten kan auch Cathetus, (das ist / die gesenckte lini / die auffrecht oder wagrecht seiten deß winckelrechten triangels /
Matthias Bernegger: Manuale Mathematicum. Straßburg: Paul Ledertz, 1619, Seite 34. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Bernegger_Manuale_034.jpg&oldid=- (Version vom 31.7.2018)
