hand die grad zu öberst mit etwas grössern ziffern / vnd nebens abwertz jhre erste minuten mit kleinen ziffern: bey der Rechten hand aber die grad zu vnderst / auch mit gössern ziffern / vnd dann auffwertz die ersten minuten mit kleinern ziffern gesetzt werden: Vnd solches darumb / damit / es werde was da woll für ein arcus angeben / man gleich darneben auff der andern seit sein complement, vnd demselben gehörigen sinum, tangentem vnd secantem haben möge.
Es besteht aber der gebrauch dieser Taflen auff zweyen stucken: das nemblich entweder eines jeden vorgebenen arcûs, so kleiner / als ein semicirculus ist / gebürender sinus, tangens, secans: oder aber hingegen / eines jeden vorgebenen sinûs, tangentis, secantis gebürender arcus darauß genommen werde: wie solches auß folgenden Reglen weiters zu vernemmen: in welchen / was von dem sinu gesagt wirdt / alles ebenmessig von der tangente vnd secante zu verstehen ist.
Ist der vorhabende arcus vnter 45°. so wirdt zur lincken: wo darüber / zur rechten hand gesucht. Zum Exempel der arcus sey 32°.17′. dessen sinum zusuchen / nim die 32°. oben zur lincken: vnd in derselbe zeilen
Matthias Bernegger: Manuale Mathematicum. Straßburg: Paul Ledertz, 1619, Seite 23. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Bernegger_Manuale_023.jpg&oldid=- (Version vom 31.7.2018)
