Schamt úch minner orden
[420v]
Schamt úch minner orden·
úwer flus der hat den hinder gang·
úwer orden hinkent alle ir tret in sýmonien schrang·
ir wúrkent froͤmdú gotes reht
ir leret gůt vnd minnent valsche tat·
ir sint verkǒfer worden·
der kristenheit owe der not·
den wolf nemt ir zegesellen· ob er dc schaf ú bringen tůt·
ir ruhet sleht vnd slihtet ruh·
has vnd nît den treit nv geislich wat·
úwer brůderschaft sich hoͤnet
klissenheit die got verbot· dú ist mit ú gekroͤnet·
die treit nv geislich wete·
vnd wúlfet vs des herzen tunst·
lert úch franciscus solhe kvnst·
so pflag sant augustin ǒch selker rete·