Schamt úch mīner oꝛdē
[420v]
Schamt úch mīner oꝛdē·
úwer fluſ d̾ hat dē hinder gang·
úwer oꝛdē hīkēt alle ir tret in ſýmoniē ſchꝛang·
ir wúrkent froͤmdú goteſ reht
ir leret gůt vn̄ mīnēt valſche tat·
ir ſint v̾kǒfer woꝛdē·
d̾ kriſtenheit owe d̾ not·
dē wolf nemt ir zegeſellē· ob er dc ſchaf ú bꝛīgē tůt·
ir ruhet ſleht vn̄ ſlihtet ruh·
has vn̄ nît dē treit nv geiſlich wat·
úwer bꝛůderſchaft ſich hoͤnet
kliſſenheit die got v̾bot· dú iſt mit ú gekroͤnet·
die treit nv geiſlich wete·
vn̄ wúlfet vſ deſ h̾zē tunſt·
lert úch franciſcus ſolhe kvnſt·
ſo pflag ſant auguſtin ǒch ſelker rete·