Ob al der werlte gar gewaltig were ein man

Textdaten
Autor: Boppe
Illustrator: {{{ILLUSTRATOR}}}
Titel: Ob al der werlte gar gewaltig were ein man
Untertitel: {{{SUBTITEL}}}
aus: UB Heidelberg 418v, UB Heidelberg 418v, UB Heidelberg 419r, UB Heidelberg 419v und UB Heidelberg 420r
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg, UB Heidelberg, UB Heidelberg, UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Ob al der w̾lte gar gewaltig w̾e ein man in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]


[418v]

Ob al der werlte gar gewaltig were ein man·
vnd ob sin sin dvrh sinde dc nie sin dvr san·
vnd ob er wunder were vber ellú wunder
ob in gelúke truͤge vnz an der himel steln·
vnd ob er kvnde bruͤuen wissen vnd zeln·
des mers gries die sternen gar besvnder·
ob sin kraft eine tvsent risen·
manlih moͤhte ervellen vnd twinge·
ob hohe berge vnd velse risen·
dvr sin gebot vnd ob er moͤhte bringen
swc wasser luft vúr erde birt
swc wont von grvnde vnz an den thron der svnnen·
ob im zerehter ê gegeben
nach wunsche were ein wib in eren wunnen·
kv́sche vnd reine wol gezogen der schoͤ̂n ein vbergulde·
vnd ob er mit ir solte leben gar
tvsent iar·
was were es danne vnd ob er niht erwurbe gottes hulde·

Dv hohgelopter ivngeling vol komender man·
froͤi dich der hohen hilfe dú dir fuͤgen kan·
werltlicher froͤiden hort in werender wunne·
dur lutert gar ir liehte brehender liehter schin·
dvr froͤmdet vnd virrent schamelichen pin·
vnd vuͤret dich alsam den tag dú svnne·
wc were din lib din werdes leben·
din hoher mv̊t din vnverschertes ellen·
wer koͤnde vroͤide dir gegeben·
wem woldest lieblichen dich gesellen·
wc were richeit hohgewalt
froͤideberndú krast manlicher mv̊t mit sinnen·
rv̊m ere selde manigvalt
rilicher pris dis reinen herzen minnen·
wie koͤnde ivgent in tvgenden schone vnd alter werden grise·
vnd were wib·
der reiner lib·
dir ist gegeben· zehilfe gar dar vmbe ir lob ir lebin ir eren prise·

Dú milte mit vil tugenden treit des hoͤhsten pris·
dú milte hoͤhet blvͤnde ivgent vnd alter gris·
dú milte vs herzen valsche wirde billet·
dú milte zieret megde namen vnd reines wib·
dú milte túret hohes werdes mannes lib·
dú milte vs eren runse manigem gewillet·
dú milte balsemt edelen man·
dú milte in eren ganzen wirde rútet·
dú milte zieret vf den ban·
da reines herze lieblich wirt getrútet·
dú milte wirdet menschen mv̊t·
dú milte gotes zúrnen stete slihtet·
dú milte lútert herzen flůt·
dú milte sich zewarer minne flihtet·
dú milte vs mannes herzen gegen den wiben sv̊ze smieret·
dú milte ist beide hie vnd dort·
ein werder hort·
nv wissent dc dv́ milte himel vnd erde hat gezieret·

Dú kerge birt vnd ist vnd pruͤuet manige vntvgent·
dú kerge nidert alter vnd vnwirdet ivgent·
dú kerge selten hohen pris erwirbet·
dú kerge ist gegen den tvgenden gar ein herter vlins·
dú kerge selten brennet richer eren zins·
dur kerge manic rilich lob verdirbet·
dú kerge ist gegen den tvgenden las·
dú kerge manigen laster mal bewiset·
dú kerge treit der milte has·
dú kerge schande zwilhet vnd drilhet·
dú kerge lasset an der schrift·
dú kerge an werdekeit ist gar verstummet·
dú kerge hasset eren trift·
dú kerge laster denpfet vnd svmmet·
dv́ kerge niemer stvnde keiner arger vůre entwenket·
dú kerge ein rǒberin ist hoher eren tat·
dú kerge hat·
vil mangen dort in werde sache versenket·

IN Galathit in dem lande ein vogel sus·
genennet vnd erkennet ist Galadrius·
sne wis sin lib vnd al sin gevidere·
des vogels sehen vnd sin art hat solhe maht·
swc siechen er an siht es si tag oder naht
der ist genesen· er si hoh oder nidere·
swem aber er die gesiht entseit
der mag genesen niht· dast ein wunder·
in sinem rehten beine er treit
der ist den ǒgen gv̊t besvnder·
des wúnsche ich herren svnder has·
dc iegelicher hete ir einen da mit si streichten·
ir ǒgen dc si deste bc·
gesehen moͤhten wem si ir gabe sleichten·
so wolt ich haben div ǒgen sin· dur dc ich moͤhte meren·
der richen argen kargen tot·
in wernde not·
vnd wolte die gesihte min ze den vil milten keren·

IN ýdúmea wont ein tier taphart genant·
dc ist von wunderlichen sachen zwein erkant·
vor allen vrechen tieren vs gesvndert·
dc selbe tier vor mittem tage der kv́nheite pfliget·
dc aller tiere kv̊nheit klein der gegen wiget·
vnd des loͤwen swie der stete wundert·
swenne es kvmt vber den mitten tag
so ist sin vrechú kv̊nheit also kleine·
dc es sich niht [419r] er etten mag
vor zageheit· swc lebt in der gemeine·
sich ivnger man dc tútet dich
dc merke· vnd nims in dines herzen klosen·
dise rede wunderlich
die enhabe niht versmehe· not versosen·
es hat mit dir vnd dv mit ime so gv̊ter maze pfliht·
nv schaffe also in diner ivgent·
so dc din mvgent·
din vrecher lib wirt in dem alter gar als dc tier zenihte·

Pardus ein tier genennet ist kvͤne vnd balt·
in rehter forme gros vnd da bi wol gestalt·
dem sin nature froͤmde minne bringet·
das selbe tier wont stete der loͤwinne bi·
swie doh des loͤwen kraft vnd minne besser si
vnd wie sin zagelswarte in zorne swinget·
klein im dc alles gegen ir frumt·
sin habe doh zů im dc tier vil zarte·
von disen sachen so kunt
snel vetche in valwer varwe der lehparte·
der snelheit niht niht entrinnen kan·
in sprúngen drin swc lǒfens pfligt vf erden·
dem geliche ich einen boͤsen zagen·
der lebt in hobet scham in vil werde·
der ist noh sneller danne dc tier von den eren hin zer schande·
dem wúnsch ich dc er were sam·
vetch dvr die scham·
das in bi den lúten vúr ein kebs kint erkande·

Rât an wc dc si wol gelerter wiser man·
hab iemer grossen dank der es geraten kan·
es ist geborn nah rehtes menschen bilde·
es ist mager vnd lang gar breit ist sin gewalt·
est an dem mv̊te ivng vnd an den iaren alt·
im ist dú barmherzekeit vil wilde·
es núzet ellú tútschú lant·
vnd lat doh wenig ieman mit im niezen·
es es hat gerǒbet vnd gebrant·
es kvnde ǒch hoher eren nie verdriessen·
swa es sich dike nider lat·
da wuͤstet gerne dc wil ich verwetten·
wan mir des maniger bi gestat·
vnd zúge es an die burger in den stetten·
es zúrnet hie vnd suͤnet dort sin lachen ist gehúre·
... es reisset den·
es weis wol wen·
ich wenne dc es zeraten si den toren allen túre·

Swel hohe fúrste nv hat hohes kv́niges namen·
lib vnd mv̊t ere vnd wirde vnd werden gamen·
swie hoh si sin gewalt vnd witen mere·
er si ein romer vnger behein ein franzoýs·
ein schotte ein spangol ob ein engelsch kurtoýs·
ein krieche ein rússe ein werder kipperer·
ein thene ein swede ein bulger oder ein soldan·
ein tateler von Thvnschrich ein heiden·
von marrach granath von maivrge dores salnegge·
von matschǒwe von arragvn von portigal·
von hammametha·
von niuerne kýmelle von littǒwe·
der moͤhte sich des gesten wol mit eren vnd mit schalle·
het er so stolze helde gv̊t·
vf eren mv̊t·
vnd also balt vf vreche tat sam sint die stoͤrren alle·

Des hohen starken grossen wunderes kraft
der da von nihte gar geschůf[WS 1] alse die geschaft·
vnd an sich nam werdes menschen bilde·
geburt besnidvnge[WS 2] vnd den iemer wernden tǒf·
vnd der sich lie verkǒfen sines tǒfes kǒf·
des wunder werk sint manigú wunder wilde·
der sinem vatter vatter ist hêr vnd eben
vnd an dc vrone krúze wart gezwiket·
des gotheit ist in ein geweben·
vnd doh in drilich geflohten vnd gestriket·
des sessel ist der himel dort·
vnd hie dú erde siner fuͤze schamel·
des kunst in zorne wirt gehort·
vnd in dem munde sin ein fúrig lamel·
der sich in einer reiner megde wammen konde winden·
der selbe laze sich ǒch gar·
der engel schar
mit steter hv̊te bi vns hie vnd dort an ende vinden·

Ob al den wundern merkent wel ein wunder gros·
dc ist geselle des schepfers erde glos·
vnd ǒch zerehter sippeschaft gebvnden·
dis wundert vns in iemer wernde froͤide schilte·
vnd wie er sich in einer megde wambe[WS 3] vilte·
vnd bi der wart got vnd mensche fvnden·
wie sin enpfieng vnd sin genas·
rein vngemeilet dc tot von tode vns lôste
vnd er an sich nam dc er niht wc·
vnd beleib dc er wc ê vil manigen zetroste
an im wart der nature kraft
in werndern wirde erhoͤhet vnd ernv́wet[WS 4]·
geselle vnd gesippeschaft
des tǒfes ê versigelt vnd vertrúwet·
vnd wie er vs dem hohsten trone kam in dis ellende·
vnde wie er sich liphafrig birget in ein brot
dvr vnzer not·
vf dem alter in eines priesters hende·

Dv werder mensche des merke vnd ere priesters leben·
sit im ob aller meschen leben ist hie gegeben·
vnd der engel kraft dort ho gewundert·
sin hohú wirde me twinget vnd sin [419v] hoh gewalt·
dir fuͤget hoher selden heil vil manigvalt
wirt ere froide dort vnd hie besvndert·
von im gesegent wirt der tǒf·
dar ine dv noh kristen wirdest kristen·
sin segen dir froͤmdet sv́nden kǒf·
sin lere dich mit listen· hie kan vristen·
kúscheheit der ê· wc ritterschaft
enbinden vnd binden· mit in versidelt
kv́nig vnd hohe keiserschaft
sin hoher gewalt verrigelt vnd versigelt·
si lebenden nenment in gebent ich mag dich wol wisen von werndem rost·
in sinen handen wandelt[WS 5] sich gotes wunders brot[WS 6]·
almehtic got·
vleisch vnd blv̊t· beide im vnd dir zetrostê·

Des merke vnd froͤwe dich hoher werder wiser mensche·
dú sist tútsch welsch windesch vngersch oder thenesche·
von swelher hande sprache dv siist kristen·
der wirde der dir got besvndert hat gegeben
nach tode dort ein iemer werndes ewig leben·
vnd hie dc din sin wunder kan verlisten·
dir dienet gar der werlte maht·
des hohsten kraft vnd al die himel wunne·
wc bringen mag tag vnd naht·
die mane sternen zirggel brehede svnne·
vúr wasser luft der erden rugge·
swc flúget flúzet wehset oder swimmet·
der winde svs der wolken vluͤge·
bliczen donren swc stat oder klimmet
dc dient dir alles von im dar· dar vmbe in stete prise·
ǒch wand er dir sich selben git
gar ane strit·
vúr arger gelster kúndekeit so hohe zeiner spise·

Ob allen frowen frowe reine gebende nar·
dú kroͤnt mit hoher wirde ob al der engel schar·
dv́ werde gotes tohter vnd kristes amme·
din lib mit manigen richen tvgeden ist geberlet·
dv Yberschoͤnest dort die himel gar· vnd hie die werlt
din herze enzv́ndet hat· des hohsten flamme·
dv wise salomones throne·
vnd ǒch vúr war ezechieles pforte·
dv reines vel Gedeon·
mit kúsche hielt ein warú tǒfes porte·
dv tempel der drivaltekeit·
dv gotes sessel vnd gottes kindes klosen·
din lib trůg den der nv da treit
den himel erde ǒch sagent vns die glosen·
den alle himel niht bevahen kvnden manigvaltig
den vieng din schos dvr vnser heil·
frowe ane meil·
nv bit vúr vns den selben got sit dv bist sin gewaltig·

Sich ritter wert an dine hohe werdekeit·
kleide dinen werden lib mit werdenkeit·
sit dc dir ist ere vnd pris gewidemt·
pflig schiltes ampt schone vnd ere swertes segen·
bis vridebere in velden welde· vnd vf wegen·
wirb so dc vnreht struchen vor ir bideme
trúwe vnd warheit si din hort·
bút helfe gerne witwen vnd weisen·
wirb nah prise hie vnd schatze dort·
vnd la dich niht an eren vinden heisen·
dú tvgende dih in alle wis
la dich in werder wibe dienste schowen·
halt hohgelopten ritterspris·
so das dich prisen hohgeborne vrowen·
milte kúsche trúwe vnd schame mit eren ime heilset·
tůst dv dc werder ritter wis·
so wirt din pris·
din pris din rilich lob din werder name in eren wis gevelset·

Gros ein gebirge capitania hat das lant·
mvͤzig vnd mezig losacania genant·
dar vs ein walt gewahsen vollen dornig·
dar inne wont ein wurn von wunderlicher ahte·
swanne der erzúrnet wirt in siner ahte mahte·
er schvͤfe wol es wurde ein rise zornig
sin mvnt hat gran vnd niender zene·
sin hals ist kurz orn vnd ǒgen kleine·
sich mensche dar nah dich niht sene·
vnfůrig lib vnd ist gar an gebeine·
zwei horn stant an der stirne sin·
da mit er manigen vrechen hat betwungen·
kuͤn alsam ein eberswin·
ern hat herze leber noh die lvngen·
sechs ane fuͤze bein er hat· kauwen scharf gemezen svnder elne·
sin zagel ist spitzig vnd niht lang·
trag ist sin gang·
sitten smal sin ruch rugge dc rate swer es welle·

Barmvnge dast ein tvgent dú dir wol mensche zimt·
barmvnge túret dir dinen lib dich vnd nimt·
dir iemer wernde sache vnd arke tregede·
barmvnge birt dir steter hoher eren sedel·
barmvnge froͤmdet dir gar aller schanden wedel·
barmvnge verret dir helsches gegegede·
barmvnge dich hohe hat getúret·
wan si hat [420r] rilich dich erkempfet·
barmvnge ist also gehúret·
dc si dir got hat ze ingesigel gestempfet·
barmvnge dú ist so rich ein tvgent
dc si sich hie vnd dort ze gotte smvket·
barmvnge schv̊f dc mit ir mvgent·
dc got dih vs der hellen porten zuhte·
barmvnge schv̊f ǒch dc got hie kripte vnd barnde·
dar an gedenke ein mensche wis·
dvr dinen pris·
vnd minne erbarmede· durh dc dich got so túre da mit erarnde·

Het ich des kúniges salomones wisheit ganz·
vnd absolones schoͤne da bi svnder schranz·
vnd gewalt des richen kúniges dauides·
were ich da bi noh sterker danne sih wc samson·
koͤnde fúr bringen als horant svͤzen don·
vnd were gewaltig alles golt gesmides·
were ich als aristotiles
vnd koͤnde kvnst als virgilius· zǒberie
vil wol moͤht ich mich troͤsten des·
were ich der beste in artvs massenie·
were ich als adam edel gar
vnd gvras wc trut den vrowen allen·
vro ioh grimme vnd zivhte bar·
vnd Gawin wem moͤhte dc missevallen·
het ich tvgent als seneca dc ze der werlte ein wunne·
vnd dc ich were zen fuͤzen snel·
als azachel·
hie vúr neme ich dc sich min lieb gegen mir lieblich versvnne·

Zahý wc hoher tvgende hat
got dem kv́nic gegeben·
von rome der dvrh nieman lât·
er minne got vnd rehtes leben·
vrowen vnd wibes tvgent zuht steten mv̊t bescheidenheit·
sine fv̊re vnd sinen rat·
geliche ich schone vnd eben
kv́nig karlen svnder missetat·
dar nah dem rehten kvnde streben·
got lieb als dauid vnd iosias den schande meit
from als ivdas machabeus· kv̊n als ionathas
kv́sche als samuel der gotes prophete wc
gedultig als Job·
diemvͤtig als moýses
milt vnd gůt als wc iacob
gereht gegen got als sýmeon·
stritber als ieroboam· stark als samson·
wise als salomon·
ein helt als Josue·
dem got den svnnen hies sten vnd den tron·
dise tvgent alle got hat an den kúnig karlen geleit·

Der kv́nige bv̊ch vns kv́ndet in der alten ê·
dc ein vnd drisseg kúnige slůg· der helt Josue·
vnd hienges ǒch an vrteil· ahtowe besvnder
dur dc si dem rehten waren wider do·
von ierusalem ieremút vnd iericho
tabir agil latis vnd volkes wundert·
maiaton iaggenen ebrin
cedes terag affer affeg vnd hermo
odullum svmvlon eglon
thor vnd tort· azor vnd lemna
Madan agsaf betel
erec cader gazer· carmeli Jebvzen
Maceda tagviga galgal
ethihen vnd tersvm· kananen·
vernsemn emmvrrem der tag wag ... gelich
des hueten sich die fúrsten die dem rehten
wider sin
dc úch niht sam geschehe von dem kúnige vnd von dem riche·

Swas hoher fúrsten herre hat des rines flus·
von tisentis hin abe bis in den swachen dus·
der aller helfe ist da niht selderichen·
swas ir hat hollant brabant vlandern vnd kreien·
wettelant westerrich· vnd Lorreý der karste·
v́rol stire kernd vnd oͤsterrich·
swc ir in vranken ist erkant·
die vroͤwent mich selten mit ir gaben·
sam tv̊nt die helde in peierlant·
die bi der etsche vnd ǒch die stolzen swaben·
dúringen sachsen missenere·
der wettrobe hesse vnd ǒch der westeval·
der behein vnd der polan· der
wintschen· herren gabe ich selten male·
svs bin ich von ir aller helfe leider gar verdrvngen·
dc klage ich dem hoh gelopten fúrsten wert·
der ere gert·
von baden vnd ǒch von berne dem alten vnd dem ivngen·

Anmerkungen (Wikisource)

  1. Vorlage: geſch.
  2. Vorlage: beſindvnge.
  3. Vorlage: wabe.
  4. Vorlage: ern nv́wet.
  5. Vorlage: wandelnt.
  6. Vorlage: bot.