Nv enbeis ich doch des trankes nie

Nv enbeis ich doch des trankes nie·
da von tristan in kvmber kan·
noch herzeklicher minne sie·
danne er versalden dc ist min wan·
dc habent dú ǒgen min getan·
dc leite mich dc ich gie·
da mich dú minne alrerst vie·
der ich deheine mâsse han·
so kvmberliche gelebte ich noch nie·

Es ist ein wunder dc ich niht verzage·
so lange ich vngetroͤstet bin·
als ich ir minen kvmber klage·
dc gat ir leider lútzel in·
dc hat mir mine froͤide hin·
doch flîsse ich mich alle tage·
dc ich ir ein stetes herze trage·
nv wise mich got an solhen sin·
dc ich noch getů dc ir behage·

Swer nv deheine froͤide habe·
der vingerzeigen mv̊s ich sin·
swes herze in gv̊ten gebiten stat·
die selben forhte die sint min·
dc si mir tůn ir niden schin·
doch singe ich swies darvmbe ergat·
vnd klage dc mich truren lat·
herze die schulde weren din·
dv gebe mir ane si den rat·